Elimizdiń Bilim jáne ǵylym ministri Ashat Aimaǵambetov «mektepte keibir qajetsiz pánderdi oqytpaý kerek» degen pikirge qatysty óz oiyn aitty, dep habarlaidy QazAqparat.
«Jalpy, elimizdiń kóp mektepterinde balalar aptasyna 5 kún oqidy. Ókinishke qarai, keibir oryn tapshy mektep oqýshylary 6 kúndik júiemen oqýǵa májbúr. Ondai synyptar bar. Árine, ol yńǵaisyzdyq týǵyzady. Osy jerde bir jaitty anyqtap alý kerek, bul - elimizdegi mektep jetispeýshiliginen emes, bar mekteptegi orynnyń tapshylyǵynan týyndap otyr. Kelesi bir mańyzdy másele - mektepterdegi qajet nemese qajet emes degen pánder jaiynda. Ózderińiz biletindei, bilim berýde tiptik oqý jospary, oqý baǵdarlamasy jáne memlekettik standart bar. Sondyqtan «myna pán kerek, anaý kerek emes» deý - durys emes. Elimizdiń jalpy bilim berý memlekettik standartyna sáikes, balalar úshin barlyq pán qajet jáne mańyzdy», - dedi Ashat Aimaǵambetov Úkimet úiinde onlain ótken baspasóz máslihatynda.
Sondai-aq, ministr elimizdegi mektep tapshylyǵy problemasyna toqtala kele onyń sheshiletinin aityp sendirdi.
