QR Bilim jáne ǵylym ministri Ashat Aimaǵambetov vedomstvonyń apparat májilisinde pedagogterdi artyq eseptilikten bosatýdy tapsyrdy, dep habarlaidy QazAqparat.
«Muǵalimder úshin eki qujat qana mindetti. Ol jaiynda №130 buiryq bar. Muǵalimder kúndelikti toltyratyn eki qujat qana bar. Eger áleýmettik pedagog a, óziniń qujattary bar. Synyp jetekshisi bolsa, táribe jumystary boiynsha qujattary bar. Direktordyń óz júrgizetin qujattar bar. Onyń bári jańaǵy aitqan buiryqta shegelenip turyp bekitilgen. Tek osy talap sheńberinde jumys isteý kerek. Ásirese synyp jetekshileri boiynsha oiǵa qonymsyz qujattardy kirigizip qoiǵan. Bir mektepte synyp jetekishsiniń moinyna 19 qujatty júktep qoiǵan. Osy fakt boiynsha anyqtaý júrgizip, tiisti jaýapkershilikke tartýdy tapsyramyn», - degen ministr basy artyq qujattyń paidasynan ziiany kóp ekenin eskertti.
«Kerek emes. Muny kim oqidy? Kóp máseleler elektrondy formatta bar. Ulttyq bilim berý derekter qorynda bar. Bárin shyǵaryp, jinap qoiǵannan ne paida? Qajet emes, tipti túsiniksiz aqparatty suraisyzdar. Óńirlerdegi bilim basqarmalary quzyryndaǵy sharýany iegere almai otyr ma sonda? Kelesi joly mundai negizsiz qujat talap etý qaitalansa, mektep direktoryn emes, bilim berý bólimi men basqarmalarynyń basshylaryn jaýapqa tartý kerek», - dedi Ashat Aimaǵambetov.
