Endigi ýaqytta orta bilim berý mektepterinde bir emes birneshe sport zaldan bolady. Bul týraly QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Elimiz boiynsha 45 myńnan astam balalarǵa arnalǵan sporttyq sektsiialar bar. Biyl onyń sanyn 50 myńǵa jetkizbekpiz. Sol arqyly elimiz boiynsha balalardyń kem degende 50 paiyzyn kúndelikti sportpen shuǵyldanýǵa jaǵdai jasaý. Ózderińiz bilesizder, Memleket basshysy óz Joldaýynda buqaralyq sportty damytýǵa erekshe mán berip, aldymyzǵa mindet qoidy. Qazir mektepterdiń tiptik baǵdarlamasy ázirlenip jatyr. Ol boiynsha mekteptegi sporttyq infraqurylymdy jetildirmekpiz. Biz bilemiz, bir mektepte bir ǵana sport zal bar, ol bala sany kóp mektepter úshin azdyq etedi. Mektep baǵdarlamasyna sáikes dene shynyqtyrý páni aptasyna 3 ret ótedi. Sondyqtan da tiptik baǵdarlamada biz ár mektepte birneshe sport zal bolýyn qarastyryp jatyrmyz. - dedi Aimaǵambetov elordada ótip jatqan ulttyq mektep sport ligasy barysynda.
