Áigili qazaqstandyq rejisser Ali Sher Sýleimen dini radikazmmen kúresý jaily óz pikirimen bólisti, dep habarlaidy "Ult aqparat".
«Halqymyzdy dini radikalizmnen qorǵaityn qanymyzda almas qylysh bar - ol bizdiń ulttyq dástúr-saltymyz.
Ǵasyrlar boiy shyńdalyp, elimizge sińgen dástúr-saltymyzdyń omyrtaqysynda: kishiniń - úlkenge, aǵanyń - inige, balanyń - ata-anaǵa, er adamnyń áielge degen qatynasynda - meiirimdilik, sabyrlyq, kishipeiildilik, ustamdylyq, ynsap degen imandylyqtyń túp tamyryn quraityn uǵymdar jatyr. Eger salt-dástúrimizdi qasterlesek, tárbieniń qylysh-qalqany osy.
Ekinshiden, dini aǵartýdy damytý kerek.
Qalai, qashan kelgen din, qai din? Din tarihy, dini aǵartý pánderi arqyly mektepten bastap zertteý artyq bolmas. Meniń oiymsha, jastarymyzǵa sonda ǵana dindi erkin túsinýge, jete túsinýge sanaly jol ashylady» - dedi rejisser suhbattardyń birinde.
