Áielderge júktiliktiń qansha aptasynan bastap vaktsina alýǵa bolady? Bul saýalǵa QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova jaýap berdi, dep habarlaidy QazAqparat.
«Bul máseleni, áielder júktiliktiń qandai aptasynda vaktsina alýyna bolatyndyǵyn anyqtaý úshin Immýnizatsiia jónindegi komissiianyń qaraýyna engizdik. Biraq tumaýǵa qarsy vaktsinatsiiany mysalǵa alyp aitar bolsaq, júkti áielderge 2012 jyldan beri tumaýǵa qarsy ekpe jasap kelemiz. Júkti áielderge júktiliktiń 15 jáne odan joǵary aptalarynan bastap tumaýǵa qarsy vaktsina alýyna ruqsat beriledi. Iaǵni, qazirgi ýaqytta ǵalymdarymyz júktiliktiń qansha aptasynda vaktsina alýǵa bolatyn merzimdi qarastyryp jatyr», - dedi Aijan Esmaǵambetova Ortalyq kommýnikatsiialar qyzmetindegi baspasóz máslihatynda.
