Foto: primeminister.kz
Halyqaralyq áielder kúni qarsańynda densaýlyq saqtaý ministri Ajar Ǵiniiatqa áielderge Úkimette jumys isteý qiyn ba degen suraq qoiyldy, - dep habarlaidy Tengrinews.kz.
"Jalpy, memlekettik qyzmette áielder men erler bólinbeidi. Belgili bir mindet júktelgen memlekettik qyzmetkerler bar, biz óz qyzmetimizdi atqaramyz. Men jumys isteimin jáne maǵan qiyn emes", - dep jaýap berdi Ajar Ǵiniiat Úkimet otyrysy kýlýarynda jýrnalisterdiń suraǵyna.
Sonymen qatar, Densaýlyq saqtaý ministrligi basshysy jumys kestesi men kúndelikti jumys tártibin bólisti.
"Bizde, memlekettik qyzmetkerlerdiń jumys ýaqyty turaqty emes. Tańǵy 8-den keshki 9-10-ǵa deiin bolýy múmkin. Demalys kúnderi de jumys isteimiz. Eger tapsyrmalar oryndalsa, demalys kúnderi demalýǵa bolady. Al jumys kóp bolsa, onda jumys isteý kerek", - dep túsindirdi ol.
Sondai-aq, Ajar Ǵiniiat 8 naýryz merekesi qarsańynda barsha áielderge densaýlyq tilep, der kezinde meditsinalyq tekserýden ótýdiń mańyzdylyǵyn aitty.
