«Qazaqstan barysy» Dáýren Nuralinov týyp-ósken jeri Aiagózge keldi. Jerlesteri balýandy zor qoshemetpen qarsy aldy, dep habarlaidy "Ult aqparat".
Aiagóz óńiriniń maqtanyshy, «Qazaqstan barysy» atanǵan jas balýan Dáýren Nuralinovty halyq ortalyq alańda kútip aldy.
Aqyndar arnaý aityp, aýdan basshysy Seiilbek Ysqaqov balýannyń iyǵyna shapan jaýyp, at mingizdi.
«Aiagóz - ejelden batyrlar eli. Babalardyń batyldyq pen qaisarlyq rýhyn jalǵaǵan Dáýren Nuralinov tek osy el men jerdiń ǵana emes, kúlli Qazaqstannyń maqtanyshy», - dep atap ótken ákim sportshyǵa aq batasyn berip, qoshemet kórsetti.
«Aiagóz degen - altyn besigim, týǵan jerim. Atalarymyzdyń arýaqtaryna quran baǵyshtap, sizderdiń batalaryńyzdy alaiyn dep arnaiy keldim. Peiilderińizge kóp rahmet!. Aiagózimiz árqashan jainai bersin, batyrlar shyǵa bersin», - dep rizashylyǵyn bildirdi Dáýren Nuralinov.
Eske sala keteiik, Dáýren Nuralinov 4 shilde kúni astanada ótken «Qazaqstan barysy» týrnirinde bas júldeni jeńip alǵan bolatyn.
