Aiagóz aýdanynda birden eki baǵytta eki izdestirý jumystary júrgizilýde, dep habarlaidy "Ult aqparat" "Semei tańy" basylymyna silteme jasap.
Oqiǵalar ornyndaryna Abai oblysynyń TJD jedel-qutqarý jasaǵynyń qyzmetkerleri dereý jiberilgen bolatyn. 23 naýryzdan bastap 1977 jyly týǵan er adamdy izdeý jumystary júrgizilýde, ol Aiagóz ózeninen ótpekshi bolǵan kezde, attan qulap, sýǵa ketken dep boljanýda. Er adam at ústinde ózi jumys atqaratyn «Shyǵys» sharýa qojalyǵyna barmaqshy bolǵany anyqtaldy.
Sonymen qatar, 26 naýryzdan bastap 1957 jáne 1985 jyly týǵan taǵy eki azamatty izdestirý júrgizilýde, olar «MTZ 82» markaly traktorda Borly ózeninen ótý kezinde sýda joǵalyp ketken. Olar «Shalqar» qosalqy sharýashylyǵynan Qaraǵash aýylyna qarai jolǵa shyqqan. Jolda er adamdar joldy qysqartý úshin ózen arqyly ótpekshi bolǵan, alaida, olar ózenniń ortasynda turyp qaldy. Oqiǵa ornyna kelgen qutqarýshylar adamdardy tappady.
Izdeý jumystaryna Abai oblysy TJD, Politsiia departamenti, JAO, QM kúshteri men quraldarynan barlyǵy 82 adam, 4 júzý quraly, 9 birlik tehnika, 4 pilotsyz ushý apparaty, sondai-aq jergilikti turǵyndar arasynan azamattar jumyldyryldy.
Aiagóz aýdanyna psihologiialyq kómek kórsetý úshin Abai oblysy TJD psihologtary bardy.
Súńgýirler jumystary sý aidyndarynyń kóktemgi lastanýyna bailanysty sý asty kórinýiniń nasharlyǵymen jáne sý aǵynynyń joǵary jyldamdyǵymen kúrdelene túsýde.
18 saǵat 26 minýtta Semei qalasynyń QM MI-17 tikushaǵy Borly ózeni boiyn aerovizýaldy qaraýǵa áýege ushty. Alaida, aýmaqty zertteý nátije bermedi.
Qazirgi ýaqytta izdeý-qutqarý jumystary táýliktiń qarańǵy ýaqytynyń bastalýyna bailanysty ýaqytsha toqtatyldy.
Aǵymdaǵy jyldyń 28 naýryz kúni tańǵy saǵat 06-dan bastap izdeý jumystaryn qaita bastaý josparlanýda.
