Ishki ister ministri Erlan Turǵymbaev Almaty oblysyndaǵy jolaýshylar poiyzy men avtobýstyń soqtyǵysyna qatysty tergeý amaldary qalai júrgizilip jatqanyn aitty, dep habarlaidy QazAqparat.
«Atalǵan temirjol ótkeli baǵdarshammen, shlagbaýmmen jáne ótip ketýdi boldyrmaityn tehnikalyq qurylǵylarmen jabdyqtalǵan. Iaǵni, shlagbaým jabylǵan kezde kólikti ótkizbeitin metall qurylǵy avtomatty túrde kóteriledi. Avtobýs qalaisha qorshaýda qalyp qoidy – osyny anyqtap jatyrmyz», - dedi Erlan Turǵymbaev OQK-daǵy brifingte.
Avtobýs qazirgi tańda saraptamaǵa berilgen. Sonymen birge, elordadaǵy teplovozdy da mamandar tekserýde.
«Qazirgi ýaqytta temir joldyń jai-kúiin baqylaýshynyń kinási bar ma, joq pa – tekserilip jatyr. Ol sol jerde júrip, soqtyǵystyń bolmaýy boiynsha shara qabyldaý kerek bolatyn», - dedi Erlan Turǵymbaev.
Eske sala ketsek, keshe Shamalǵan stantsiiasynda poiyz ben avtobýs soqtyǵysqan bolatyn. Aldyn ala boljam boiynsha, avtobýs temir joldyń relsine shyǵyp ketken. Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bóliminde jatyr. Onyń ekeýi bala. Qazir atalǵan fakti boiynsha QR QK 345-babynyń 3-tarmaǵy boiynsha is qozǵalyp, tergeý júrip jatyr. Istiń tergelýin Bas kóliktik prokýratýra óz baqylaýyna aldy.
