Jasóspirimder arasyndaǵy Aziia chempionatynda Artem Antropov 96 kelige deiingi salmaq dárejesinde úzdik atandy, dep habarlaidy "Ult aqparat".
Qaraǵandy aýyr atletika mektebiniń tárbielenýshisi berilgen alty múmkindikti sátti paidalanyp, qossaiys qorytyndysy boiynsha (155+210) 365 keli kóterdi, sóitip qarsylasynan 19 kelige ozyp ketti.
Ekinshi oryn irandyq Irana Hadjavant Afshin Taherida – 346 keli (160+186), al siriialyq Algafer Ezeddin 333 keli kóterip (148+185), qolaǵa qol jetkizdi.
Ózbekstanda jarysqa shyǵatyn 10 sportshydan 102 kelige deiingi salmaqta óner kórsetetin Rahat Bekbolat qana qaldy.
Eske sala keteiik, aýyr atletikadan jastar men jasóspirimder arasyndaǵy Aziia chempionaty Ózbekstan astanasy Tashkent qalasynda 13-20 aqpan aralyǵynda ótip jatyr. Aziia qurlyǵynyń 20 elinen 14 qyzdar jáne 18 erler komandasy qatysady.
