Aýyldardyń mańynan tushy sý izdeý jumystaryn 2023 jylǵa deiin aiaqtaý qajet. Bul týraly QR Indýstriia jáne infraqurylymdyq damý birinshi vitse-ministri Qaiyrbek Óskenbaev aitty, dep habarlaidy QazAqparat.
«Búginde jergilikti atqarýshy organdardyń jedel málimetterine sáikes, ortalyqtandyrylǵan sýmen jabdyqtaý jelisin tartý josparlanyp otyrǵan 85 aýylda naqtylanǵan aýyz sý kózderi joq. Negizinen bul Batys Qazaqstan oblysynda. Bul óńirde 31 aýylda izdeý-barlaý jumystaryn júrgizý qajet. Mundai jumysty Atyraý oblysynda – 19, Túrkistan oblysynda – 11 jáne Almaty oblysynda 9 aýylda júrgizý kerek», - dedi ol Májilistegi dóńgelek ústel barysynda.
Sonymen qatar onyń atap ótýinshe, keshendi blok-modýlder ornatý josparlanyp otyrǵan turǵyn sany az 170 aýylda da tushy sý izdeý-barlaý jumystar júrgizilýi tiis.
«Tolyqtai alǵanda, óńirlerdiń aýyz sýmen qamtylmaǵan barlyq aýylynda barlaý jumystaryn 2023 jylǵa deiin aiaqtaý qajet», - dedi birinshi vitse-ministr.
