Qyzylordada N.Á.Nazarbaevtyń «Bolashaqqa baǵdar: Rýhani jańǵyrý» baǵdarlamalyq maqalasyndaǵy mindetterdi júzege asyrýǵa baǵyttalǵan Qazaqstan Respýblikasy aýyl jasóspirimderiniń II jazǵy sport oiyndary ótti. Sport oiyndaryna elimizdiń 14 oblysynan 1000-nan asa sportshy sporttyń 10 túrinen baq synasyp, 68 medal jiyntyǵy sarapqa salyndy.
Jarystyń saltanatty ashylýyna oblys ákiminiń orynbasary Rýslan Rústemov, QR Sport jáne dene shynyqtyrý isteri komiteti tóraǵasynyń orynbasary Bekbolat Baijanov, oblystyq dene shynyqtyrý jáne sport basqarmasynyń basshysy Oljas Akimov qatysty.
Sport oiyndardyń jalpy korytyndysy boiynsha komandalyq esepte 285 upaimen Qyzylorda oblysynyń qurama komandasy birinshi oryndy jeńip aldy. Túrkistan oblysy 244 upaimen ekinshi, Almaty oblysy 231 upaimen úshinshi oryndardy ielendi.
Oblys sportshylary sport túrleri boiynsha qazaq kúresinen, grek-rim kúresinen, dziýdodan, voleiboldan (uldar), gandboldan, shaǵyn-fýtboldan komandalyq esepte birinshi oryndardy ielense, erkin kúresten, taekvondodan, voleiboldan (qyzdar) júldeli ekinshi oryndardy enshiledi.
Jarystyń jabylý saltanatynda oblystyq dene shynyqtyrý jáne sport basqarmasy basshysynyń orynbasary Jaqsylyq Ospanov kezekti sport oiyndarynyń jalaýyn Almaty oblysy dene shynyqtyrý jáne sport basqarmasy buqaralyq sport bóliminiń basshysy Almat Úshkempirovke tabystady.
Jeńimpaz jáne júldeger komandalar QR Sport jáne dene shynyqtyrý isteri komitetiniń diplom, medal, kýboktarymen marapattaldy.
