Kórneki foto: pixabay.com
Aýǵanstannyń stýdent qyzdaryn Qazaqstanda oqytý máselesi pysyqtalyp jatyr. Bul týraly elordada ótken baspasóz máslihatynda Syrtqy ister ministrliginiń resmi ókili Aibek Smadiiarov málim etti, dep habarlaidy QazAqparat.
Búgin atalǵan vedomstvoda ótken baspasóz máslihatynda elimizde Aýǵanstan áielderiniń oqýyna kvota bólý máselesi týraly suraq qoiyldy.
«Eýropa Odaǵynyń kómegimen Qazaqstanda aýǵannyń júzdegen qyz-kelinshegi oqý oqyp jatqan bolatyn. Endi belgili jaǵdailardan keiin, ol baǵdarlama ýaqytsha toqtap qaldy. Qazir sol baǵdarlamany qaita bastaýǵa áreket jasalyp jatyr», - dedi Aibek Smadiiarov.
Osy oraida ol qansha qyz-kelinshek oqitynyn, qansha grant qaida bólinetinin keiin habarlaitynyn aitty.
Budan buryn habarlanǵandai, byltyr Aýǵanstanda biliktegi Taliban qozǵalysy aýǵan áielderiniń budan bylai ýniversitette oqi almaitynyn málimdegen edi.
