BAQ betterinde Aýǵanstanda túsirilgen jantúrshigerlik kadrlar jariialanýda. Elden ketýge tyrysqan adamdar áskeri ushaqtardyń shassiine jabysqan.
Kabýl áýejaiynda túsirilgen kadrlardy ártúrli BAQ óziniń Telegram kanalynda bólisýde, dep jazady KAZ.NUR.KZ.
Jariialanǵan videolardyń birinde kókke kóterligen ushaqtan adamdardyń qulap jatqanyn kórýge bolady.
Lenta.ru portalynyń Aśvaka News Agency saityna silteme jasap jazýynsha, aldyn ala boljam boiynsha amerikalyq áskerilerrmen birlese jumys istegen Aýǵanstan turǵyndary ushaqqa minip ketpek bolǵan. Alaida bortta bárine birdei oryn jetpegen. Olar shassiden ustap alǵanymen, ushaq biikke kóterilgen kezde ustap tura almaǵan.
Eske sala keteiik, kúni keshe tálipter Aýǵanstan astanasy - Kabýldy shabýyl jasamai-aq baǵyndyrǵan edi. Bilikti berý týraly kelissózder júrgizildi. Aýǵanstan prezidenti Ashraf Gani óz ókilettigin toqtatyp, elden ketti.
Gani mundai sheshimdi Kabýlda "qantógisti boldyrmaý" úshin qabyldaǵanyn jazdy. Aitýynsha, "Taliban" ózin el basshylyǵynan ketirý úshin osyndai áreketke barýǵa daiyn bolǵan.
Al tálipter elde 20 jyldyq soǵystyń aiaqtalǵanyn habarlady. Degenmen Kabýl áýejaiynda dúrbeleń bastalyp, myńdaǵan adam aýǵan astanasynan qashýǵa tyrysty.
Jelide taraǵan videodan myńdaǵan adam, sonyń ishinde kishkentai balalary bar ata-analar, ushý ailaǵynda turǵan ushaqtarǵa aǵylyp jatqanyn baiqaýǵa bolady.
Alaida NATO ókili barlyq kommertsiialyq reister toqtatylǵanyn jáne tek áskeri ushaqtar ǵana usha alatynyn málimdedi.
