Qazaqstan Prezidentiniń Aýǵanstandaǵy arnaiy ókili Talǵat Qaliev Aýǵanstannan bizge 200-den asa etnikalyq qazaq kóshirilýi múmkin ekenin málimdedi, - dep habarlaidy Tengrinews.kz.
"Prezident etnikalyq qazaqtardy otanyna qaitarýǵa tapsyrma berdi. Qazir Qazaqstan elshiliginiń barlyq resýrsy osy jumysqa jumyldyryldy. Qazaqstan elshiliginiń málimeti boiynsha, onda shamamen 13 otbasy bar. Bul 200 adam. Bul kórsetkish ósýi de múmkin", - dedi Talǵat Qaliev.
Elshi bul protsess ýaqytty qajet etetinin, óitkeni turǵyndar ultyn rastaityn qujattardy elshilikke usyný qajet ekenin aitty.
"Bul komissiiada qaralady. Memleket basshysy barlyq rásimdi jedeldetýdi tapsyrdy. Aita keteiik, bul árkimniń erikti tilegi - elden ketý nemese qalý. Jaqyn arada olar Aýǵanstannan kete alady dep úmittenemiz. Ondaǵy qazaqtardyń naqty sanyn anyqtaý qiyn", - dedi Talǵat Qaliev.
