Aýǵanstandaǵy qandastar elge jetkizildi, dep habarlaidy "Ult aqparat" Prezidenttiń baspasóz hatshysy Berik Ýálige silteme jasap.
«Memleket basshysy Q.K.Toqaevtyń tapsyrmasy boiynsha búgin Aýǵan elinde turatyn bir top qazaq qandasymyz elimizge sátti evakýatsiialandy. Kabýldan Almatyǵa arnaiy reispen 35 qandasymyz, 4 Qazaqstan azamaty jáne BUU-nyń 1 qyzmetkeri jetkizildi. Prezident diplomattarymyzǵa jáne igi isti uiymdastyrýǵa atsalysqan barlyq vedomstvo qyzmetkerlerine alǵys aitty», - dep jazdy Berik Ýáli Facebook-tegi paraqshasynda.
Eske sala ketsek, QR Prezidenti Qasym-Jomart Toqaev jańadan taǵaiyndalǵan tótenshe jáne ókiletti elshileriniń Qazaqstan Prezidentine senim gramotasyn tapsyrý rásiminde Aýǵanstandaǵy qazaq diasporasyn elge qaitarý máselesin qarastyryp jatqanyn málimdegen edi.
