Aýǵanstanda tálipter áielderge, arasynda ulttyq qurama sportshylary da bar, sportpen ainalysýǵa tyiym saldy. Bul týraly sársenbi kúni "Talibannyń" (Qazaqstan jáne ózge elderde terroristik uiym dep tanylǵan) mádeniet jónindegi komissiia jetekshisiniń orynbasary Ahmadýlla Vasik avstraliialyq SBS News basylymyna bergen suhbatynda aitty, dep habarlaidy Azattyq.
Ol óziniń ustanymyn túsindirý úshin kriket oiynyn mysalǵa keltirgen. Vasiktiń aitýynsha, eger áielder sporttyń bul túrimen ainalyssa, olardyń beti men denesi ashyq qalady. "Islam men Islam Emiraty buǵan jol bermeidi" dedi ol.
Onyń aitýynsha, tálipter áielderdiń qajet kezde serýendep júrýine qarsy emes, alaida áielderge sport qajet emes.
Tamyz aiynda Vasik Aýǵanstannyń kriket boiynsha erler quramasynyń Avstraliiada ótetin irikteý matchyna qatysýǵa kelisim bergen. Match jyl aiaǵyna belgilengen. Alaida "Talibannyń" bul málimdemesinen keiin atalǵan sharaǵa aýǵan erlerin de kirgizbeýi múmkin degen boljam bar. Kriket jónindegi halyqaralyq keńestiń talaby boiynsha, oǵan múshe barlyq elderde tolyqqandy áielder komandasy da bolýy tiis. Bul jóninde suraǵan kezde Vasik "qalai bolǵan kúnde de "Taliban" ymyraǵa kelmeidi" degen.
Sársenbi kúni BBC saity Aýǵanstandaǵy provintsiialardyń birinde politsei-áieldi kúieýi men balasynyń kózinshe atyp ketkenin jazdy. Oqiǵany dáleldeitin sýretterdi týystary BBC saityna jibergen. Al "Taliban" ókili Zabiýlla Mýdjahid tálipterdiń oqiǵaǵa qatysy joǵyn aitty. Ol bilik mán-jaidy tekserip, zertteý júrgizedi dep sendirýge tyrysqan.
Al osy aptada Kabýlda tálipter áielderdi jańa úkimet quramyna kirgizýdi talap etip, miting ótkizgen belsendilerdi taratý úshin jas aǵyzatyn gaz paidalandy. 8 qyrkúiekte tálipterdiń kez kelgen narazylyq aktsiiasyn ishki ister ministrligi jáne ádilet ministrligi arqyly kelisýdi mindettegeni belgili boldy. Jańa bilik bul ereje buzylsa, sharany uiymdastyrýshy jazalanady dep qoqan-loqy kórsetken.
Qazir tálipter áielderdi erlerden bólip oqytatyn erejeler engizip jatyr. Biraq áielderdiń denesi men bet-júzi tolyq jabyq bolýy tiis. Olarǵa tek áielder nemese qart er adamdar ǵana sabaq bere alady. Eger áielder erlermen bir ǵimarat ishinde oqysa, sabaqtan birneshe minýt buryn erte shyǵyp, erler ketip qalǵansha arnaiy bólmede kútip otyrýy tiis. Aýǵan áielderi buǵan qosa, kúieýi nemese týys er adamsyz úiden shyǵa almaidy.
Bul 20 jyl buryn – AQSh Aýǵanstanǵa ásker kirgizbei turǵan kezdegi erejelerge qaraǵanda sál jumsaqtaý, "Taliban" ol kezde qyz-kelinshekterge 4 jyldan artyq bilim alýyna tyiym salǵan bolatyn.
