Tálipter (Taliban qozǵalysyna Qazaqstanda jáne basqa kóptegen elderde tyiym salynǵan – esk.) jinaǵan Aýǵanstan úkimetiniń quramy jańa ministrlik laýazymdarmen tolyqty. Sonymen qatar bilik ministrlerdiń jańa orynbasarlaryn tanystyrdy, olardyń arasynda birde-bir áiel joq, dep habarlaidy QazAqparat euronews saityna silteme jasap.
Aýǵanstanda quralǵan jańa úkimet quramynda pýshtýndardan basqa Hazar shiitteri ókilderiniń kirgeni týraly málimdeidi. Jańa úkimet ýaqytsha dep tanylǵan, aldaǵy ýaqytta keibir vedomstvolardy áielderdiń basshylyǵyna berý múmkindigi qarastyrylmaq. Bul týraly Taliban qozǵalysynyń resmi ókili Zabihýlla Mýdjahid málim etti. Sonymen qatar ol qyz balalarǵa qaitadan mektepke barýǵa ruqsat etetin zańnyń daiyndalyp jatqanyn málimdedi. Al áielder shariǵat normalaryn saqtaǵan jaǵdaida jumysqa shyǵa alady.
