«Qazgidromet» RMK aýa raiynyń buzylýyna bailanysty birneshe óńirde eskertý jariialady, dep zabarlaidy "Ult aqparat".
Atap aitqanda, 17 qarashada kúndiz Qostanai oblysynyń basym bóliginde qar, tuman, kóktaiǵaq, jaiaý burqasyn kútiledi. Ońtústik-batystan, batystan jel soǵady, kúshi oblystyń soltústik-batysynda 15-20 m/s jetedi.
17 qarashada Qaraǵandy oblysynyń ońtústiginde, shyǵysynda, ortalyǵynda, 18 qarashada basym bóliginde qar jaýady, burqasyn, kóktaiǵaq kútiledi. 17 qarashada oblystyń batysynda, soltústiginde tuman boljanady, kúndiz oblystyń ońtústiginde jeldiń ekpini 23-28 m/s, kei ýaqyttarda 30 m/s jáne odan joǵary kóteriledi. 19 qarashada aýa temperatýrasy túnde -17-22 tómendeidi.
17 qarashada kúndiz Shyǵys Qazaqstan oblysynyń ońtústiginde, soltústik-shyǵysynda kóbinese qar túrinde qatty jaýyn-shashyn kútiledi. Oblystyń batysynda, soltústiginde burqasyn, kóktaiǵaq bolady. Ońtústik-shyǵystan soǵatyn jel ońtústik-batysqa aýysyp, kúndiz ekpini 25 m/s jetedi.
18 qarashada qar jaýady, túnde oblystyń soltústiginde qar qatty jaýatyny kútiledi. Oblystyń ońtústiginde, soltústik-shyǵysynda burqasyn bolady. Jeldiń kúshi 23-28 m/s, kei ýaqyttarda 30 m/s jáne odan joǵary artady. 19 qarashada aýa temperatýrasy túnde -17-22, soltústik-shyǵysta -25, kúndiz -13-18, soltústik-shyǵysta -22 gradýs aiazǵa deiin kúrt tómendeidi.
Kúndiz 17 qarashada Aqtóbe oblysynda oblystyń soltústiginde jaiaý burqasyn, kóktaiǵaq kútiledi. Jeldiń jyldamdyǵy - 15-20 m/s.
17 qarashada Aqmola oblysynyń soltústiginde, batysynda tuman, jaiaý burqasyn kútiledi. Ońtústik-batystan jel soǵady, kúndiz oblystyń soltústik-batysynda kúshi 15-20 m/s artady.
17 qarashada Almaty qalasynda kúndiz qar jáne jańbyr túrinde jaýyn-shashyn bolady. Kúndiz 17 qarashada - táýlik boiy, 18 qarashada kei ýaqytta tuman, kóktaiǵaq boljanady.
17 qarashada kúndiz Batys Qazaqstan oblysynyń soltústik-shyǵysynda tuman, kóktaiǵaq kútiledi.
17 qarashada Qyzylorda oblysynyń ortalyǵynda jáne shyǵysynda kóktaiǵaq, burqasyn bolady. Jeldiń ekpini - 15-20 m/s.
17 qarashada kúndiz Soltústik Qazaqstan oblysynyń basym bóliginde qar kútiledi. Oblystyń soltústiginde, batysynda jaiaý burqasyn bolady. Oblystyń ońtústik-shyǵysynda túnde jáne tańerten tuman boljanady. Jeldiń jyldamdyǵy 25 m/s jetedi.
17 qarashada Pavlodar oblysynyń soltústiginde, batysynda tuman kútiledi.
