«Qazgidromet» RMK-sy Qazaqstanyń birneshe óńirinde aýa raiyna bailanysty eskertý jariialady, dep habarlaidy "Ult aqparat".
Kásiporynnyń boljamyna qaraǵanda, Nur-Sultanda 2 qarashada kei ýaqytta tuman túsip, kóktaiǵaq bolady, kúndiz jaiaý burqasyn soǵady. Batystan soǵatyn jel soltústik-shyǵysqa aýysady, ekpini 15-20 m/s bolady.
Aqmola oblysynyń soltústik-batysynda, ońtústik-shyǵysynda tuman, kóktaiǵaq, jaiaý burqasyn bolady. Batystan soǵatyn jel soltústik-shyǵysqa aýysady, oblystyń ońtústiginde, soltústik-shyǵysynda 15-20, kúndiz ekpini 23 m/s jyldamdyqpen jel soǵady.
Kókshetaýda túnde jáne tańerteń tuman túsip, kóktaiǵaq bolady.
Almaty oblysynyń soltústik-shyǵysynda jel batystan soǵyp, kúshi sekýndyna 15-20 metrge jetedi.
Batys Qazaqstan oblysynyń soltústiginde túnde jáne tańerteń tuman túsýi yqtimal.
Oralda túnde jáne tań ata tuman túsedi.
Kúndiz Shyǵys Qazaqstan oblysynyń soltústik-shyǵysynda nóser jaýyn jaýady. Oblystyń soltústik jartysynda tuman, kóktaiǵaq, jaiaý burqasyn bolady. Oblystyń batysynda jel ońtústik-batystan 15-20 m/s jyldamdyqpen soǵady.
Qaraǵandy oblysynyń soltústigi men shyǵysynda tuman, kóktaiǵaq, jaiaý burqasyn bolady. Ońtústik-batystan soqqan jel soltústik-shyǵysqa aýysady, oblystyń soltústiginde, shyǵysynda, ortalyǵynda ekpini 15-20 m/s bolady.
Qaraǵandyda kóktaiǵaq bolady.
2 qarasha kúni kúndiz Qyzylorda oblysynyń ortalyǵynda ońtústik-batystan, batystan jel soǵyp, kúshi sekýndyna 15-20 metrge jetedi.
Qostanai oblysynyń soltústik jartysynda kóktaiǵaq, tuman, jaiaý burqasyn bolady. Batystan jel soǵyp, soltústik-shyǵysqa aýysady, kúshi oblystyń soltústiginde, batysynda 15-20 metrge jetedi.
Qostanaida kóktaiǵaq bolady. Batystan soǵatyn jel soltústik-shyǵysqa aýysady, kúndiz ekpini 15-20 m/s bolady.
Pavlodar oblysynyń soltústiginde, batysynda kóktaiǵaq, burqasyn, tańerteń jáne kúndiz oblystyń ońtústiginde tuman túsedi. Ońtústik-batystan soqqan jel soltústikke aýysady, óńirdiń ońtústiginde, soltústik-shyǵysynda ekpini 15-20 m/s jel saqtalady.
Pavlodarda 2 karashada túnde jáne tańerteń kóktaiǵaq bolyp, jyldamdyǵy sekýndyna 15-20 metr jel soǵady.
2 qarashada túnde Soltústik Qazaqstan oblysynyń basym bóliginde qar jaýady. Oblystyń soltústiginde, batysynda tuman túsip, jaiaý burqasyn bolady, kóktaiǵaq kútiledi. Soltústik-shyǵystan jel soǵady, oblystyń ońtústik-batysynda kúshi 15-20 m/s bolady.
Petropavlda 2 qarashada kóktaiǵaq bolýy yqtimal. Soltústik-shyǵystan jel soǵady, túnde ekpini 15-20 m/s kútiledi.
