Қазақстан Тәуелсіздігіне 25 жыл

12 qazanda aýa raiy qandai bolady?

12 qazanda aýa raiy qandai bolady?


Qazgidromet 12 qazanǵa aýa raiy boljamyn jariialady, dep habarlaidy Sputnik Qazaqstan.


Sinoptikterdiń málimetinshe, Qazaqstannyń batysynda jaýyn-shashyn bolmaidy, al shyǵystyń bir bóliginde jańbyr jaýady, qalǵan bóliginde qatty jaýyn-shashyn, qar aralas jańbyr jaýýy múmkin.


Elimizdiń ońtústik-batysynda, soltústiginde, shyǵysynda, ońtústik-shyǵysynda jel kúsheiip, ońtústik-batysynda shańdy daýyl bolady.


Soltústiginde, shyǵysynda, ońtústik jartysynda jáne ortalyǵynda tuman, soltústiginde kóktaiǵaq, jaiaý burqasyn bolady.

Soltústik Qazaqstan oblysynda jel 15-20 m/s deiin kúsheiedi, oblystyń soltústiginde, batysynda kóktaiǵaq, jaiaý burqasyn bolady.


Aqmola oblysynyń ońtústik-shyǵysynda túnde jáne tańerteń tuman, kóktaiǵaq bolyp, soltústiginde tańerteń jáne kúndiz jel 15-20 m/s deiin kúsheiedi.


Shyǵys Qazaqstan oblysynyń soltústiginde, ortalyǵynda, Qaraǵandy oblysynyń soltústiginde jáne batysynda tuman túsedi. Oblystardyń shyǵysynda jáne ońtústik-shyǵysynda jel 15-20 m/s deiin kúsheiedi.


Qyzylorda oblysynyń ortalyǵynda, Mańǵystaý oblysynyń ońtústik-shyǵysynda, Atyraý oblysynyń ońtústik-batysynda kúndiz shańdy daýyl bolyp, jeldiń jyldamdyǵy 15-20 m/s bolady.


Jambyl oblysynyń shyǵysynda jáne taýly aýdandarynda tuman túsedi, oblystyń ońtústik-batysynda, soltústik-shyǵysynda jáne taýly aýdandarynda jel 15-20 m/s deiin kúsheiedi.


Almaty oblysynyń soltústiginde tuman bolyp, shyǵysynda jel 15-20 m/s kúsheiedi.


Túrkistan oblysynyń taýly aýdandarynda kúndiz jeldiń jyldamdyǵy 15-20 m/s deiin jetedi.


Qostanai oblysynyń soltústik-shyǵysynda túnde tuman túsip, Pavlodar oblysynyń ońtústiginde túnde, soltústiginde kúndiz kóktaiǵaq bolady.