Elimizdegi alty oblys aýmaǵynda aýa raiynyń qubylýyna bailanysty eskertý jariialandy, dep habarlaidy "Ult aqparat" Qazgidrometke silteme jasap.
Erteń kúni boiy, 23 qazanda túnde Soltústik Qazaqstan oblysynyń basym bóliginde jańbyr, qar jaýady. Oblystyń soltústiginde, batysynda kóktaiǵaq bolyp, jaiaý burqasyn soǵady. 22-23 qazanda ońtústik-batystan jel soǵady, kúshi 15-20, ekpini 23-28 m/s jetedi.
Petropavlda erteń kúni boiy, 23 qazanda túnde jańbyr, qar jaýady, kóktaiǵaq bolyp, jaiaý burqasyn soǵýy yqtimal. 22-23 qazanda ońtústik-batystan jel soǵady, 15-20 m/s kúsheiedi, erteń kúndiz, 23 qazanda kúni boiy ekpini 23-28 m/s bolady.
22 qazanda túnde Qaraǵandy oblysynyń shyǵysynda, kúndiz batysynda, soltústiginde tuman túsedi, kóktaiǵaq bolyp, jaiaý burqasyn soǵýy yqtimal. Ońtústik-batystan jel soǵady, oblystyń batysynda, soltústiginde, ortalyǵynda kúshi 15-20, ekpini 23 m/s jetedi.
Erteń Qaraǵandy qalasynda ońtústik-batystan jel soǵady, kúndiz ekpini 15 m/s jetedi.
Erteń kúndiz Jezqazǵanda jaiaý burqasyn soǵady. Ońtústik-batystan jel soǵady, kúndiz ekpini 15 m/s jetedi.
22 qazanda túnde Batys Qazaqstan oblysynyń shyǵysynda kóktaiǵaq bolýy múmkin. Jel ońtústik-batystan soǵady, kúndiz ekpini 15-20 m/s jetedi.
Erteń Oralda jel ońtústik-batystan soǵady, kúndiz ekpini 18 m/s jetedi.
22 qazanda túnde Túrkistan oblysynyń taýly aýdandarynda nóser jańbyr, qalyń qar jaýady. Táýlik boiy taýda tuman túsedi. Batystan jel soǵady, oblystyń soltústiginde kúshi 15-20 m/s jetedi.
22 qazanda kúndiz Qyzylorda oblysynyń soltústiginde jáne ortalyǵynda ońtústik-batystan jel soǵady, kúshi 15-20 m/s jetýi múmkin.
22 qazanda Aqmola oblysynyń soltústik-batysynda, ońtústik-shyǵysynda tuman túsýi múmkin, jaiaý burqasyn soǵyp, kóktaiǵaq bolýy yqtimal. Ońtústik-batystan jel soǵady, túnde oblystyń shyǵys jartysynda 15-20 m/s, kúndiz basym bóliginde 15-20, oblystyń soltústik-batysynda ekpini 25 m/s jetedi.
Erteń Kókshetaýda jaiaý burqasyn soǵady, kóktaiǵaq bolýy yqtimal. Ońtústik-batystan jel soǵady, kúndiz ekpini 15-20 m/s jetedi.
Erteń túnde Aqtóbe oblysynyń soltústiginde kóktaiǵaq bolýy múmkin. Ońtústik-batystan jel soǵady, oblystyń soltústik-batysynda, soltústiginde, ortalyǵynda ekpini 15-20 m/s jetedi.
Erteń túnde Aqtóbe qalasynda kóktaiǵaq bolady.
