Aýa raiynyń buzylýyna bailanysty Qazaqstannyń birqatar óńirinde eskertý jariialandy, dep habarlaidy «Qazgidromet» RMK baspasóz qyzmeti.
27 maýsymda Túrkistan oblysynyń taýly aýdandarynda nóser jańbyr jaýady. Kei jerlerde jáne Túrkistan qalasynda naizaǵai jarqyldap, daýyl soǵady. Soltústik-batystan jel soǵady, kei jerlerde jeldiń kúshi - 15-20, ekpini - 25 m/s jetedi.
Osy kúni Shymkent qalasynda kei ýaqytta kún kúrkirep, daýyl turady. Soltústik-batystan jel soǵady, ekpini - 15-20 m/s.
27 maýsymda Qyzylorda oblysynyń kei jerlerinde jáne Qyzylorda qalasynda naizaǵai oinaidy, shańdy daýyl soǵady. Soltústik-batystan soqqan jeldiń qarqyny kei jerlerde 25 m/s detsin kúsheiedi.
27 maýsymda Shyǵys Qazaqstan oblysynyń kei jerlerinde kún kúrkireidi, daýyl turyp, burshaq jaýady. Ońtústik-shyǵystan soqqan jel ońtústik-batysqa aýysyp, kei jerlerde jel ekpini 23-28 m/s jetedi.
Óskemen jáne Semei qalalarynda naizaǵai jarqylap, burshaq jaýady. Ońtústik-shyǵystan soqqan jel ońtústik-batysqa aýysyp, ekpini 15-20 m/s bolady.
Osy kúni Petropavl qalasynda kún kúrkirep, daýyl soǵady. 27 maýsym táýlik boiy soltústik-shyǵystan jel soǵady. Jel jyldamdyǵy 15-20 m/s deiin kúsheiedi.
