Foto: NUR.KZ/Petr Karandashov
Alataý aýdanynyń Aqbulaq yqsham aýdanynda bolǵan atysta qaza tapqan ýchaskelik inspektorlar týraly tolyǵyraq málimetter belgili boldy, dep habarlaidy "Ult aqparat".
Almaty qalalyq Politsiia departamentiniń bastyǵy Qanat Taimerdenov baspasóz brifinginde atys kezinde qaza tapqan ýchaskelik inspektorlar týraly aqparat berip, olardyń otbasyna kóńil aitty.
"Darhan Súleev bizde 2004 jyldan beri jumys istegen. Jaqynda ǵana akademiiany aiaqtady. Onyń bes balasy qaldy. Al Nurbol Baiǵaziev 2014 jyly keldi. Onyń eki balasy qaldy. Balalardyń bári kámelettik jasqa tolmaǵan. Ýchaskelik inspektorlar Aqbulaq aýdanynda jumys istegen. Ekeýi de jaqsy qyzmet atqardy. Halyq tarapynan talai ret alǵys aityldy. Jumystaryna eshqandai shaǵymdar bolǵan joq", - dedi Taimerdenov arnaiy brifingte.
Onyń aitýynsha, úidi bosatýǵa kelispegen er adam ańshy myltyǵymen oq jaýdyrǵan. Karabin zańdy túrde tirkelgen. Politseilerde tabeldi qarý bolǵan. Biraq olar qyzmet qarýyn paidalanbaǵan.
"Quqyq qorǵaýshylardyń tabeldi qarýdy ne sebepti qoldanbaǵanyn tergeý kezinde anyqtaimyz", - dedi Taimerdenov arnaiy brifingte.
Qazirgi kezde Qylmystyq kodekstiń 99-baby 2-bóligi ("Eki jáne odan kóp adamdy óltirý"), sondai-aq, 380-bap ("Bilik ókiline shabýyl jasaý") boiynsha sotqa deiingi tergeý sharalary bastaldy.
"Kúdiktiń ózi buǵan deiin isti bolmaǵan. Atys kezinde úide otbasy músheleri otyrǵan. Olardyń ishinde kámelettik jasqa tolmaǵan úsh balasy bar. Barlyǵy úide 7 adam bolǵan", - dep atap kórsetti Taimerdenov.
Qaitys bolǵan politsiia qyzmetkerleriniń otbasylaryna zań aiasynda kómek kórsetiledi.
