Atyraý qalasynyń «Sasyǵan sai» boiynsha ekologiialyq máselesi osy jazda sheshiledi. Bul týraly QR Ekologiia, geologiia jáne tabiǵi resýrstar ministrligi Ekologiialyq retteý jáne baqylaý komitetiniń tóraǵasy Zýlfýhar Joldasovtyń Atyraý qalasyna sapary barysynda málim boldy, dep habarlaidy "Ult aqparat".
Z.Joldasov óńirdiń kárizdik tazartý qurylǵylary kesheninde boldy.
«Sasyǵan sai» býlaný alqaby – Atyraý oblysynyń basty problemalarynyń biri. Qaladan birneshe shaqyrym jerde ornalasqan bul aimaqty adamdar sol jerden shyǵatyn jaǵymsyz iiske bailanysty ataǵan.
Munda birneshe ondaǵan jyl boiy ártúrli kásiporyndar men turǵyndar óndiristik jáne ekonomikalyq qaldyqtardy, sondai-aq aǵyndy sýlardy aǵyzyp keldi. Bul, atmosferalyq aýanyń kúkirtsýtekpen lastanýyna ákeldi.
«Óńir ákimdigi eki jyl boiy qalanyń sol jaq jaǵalaýy úshin kárizdik tazartý qurylǵalary keshenin salý boiynsha jumys júrgizip keledi. Keshenniń qýattylyǵy táýligine 70 myń tekshe metr aǵyndy quraidy dep kútilýde.
Qazirgi ýaqytta, kárizdik tazartý qurylystarynyń qurylys jumystary tolyq aiaqtaldy. Aǵymdaǵy jyldyń naýryz aiynan bastap iske qosý-jóndeý jumystary júrgiziledi.
Keshen osy jyly jazda paidalanýǵa beriledi», - dedi QR Ekologiia ministrliginen.
