Atyraýdaǵy Qazaq drama teatrynan shyqqan órt sóndirildi, dep habarlaidy "Ult aqparat" QR IIM Tótenshe jaǵdailar komitetiniń baspasóz qyzmetine silteme jasap.
Komitettiń habarlaýynsha, teatr ǵimaratynan shyqqan órt saǵat 17.20-de aýyzdyqtalyp, saǵat 18.20-da tolyq sóndirildi.
Eske cala keteiik, buǵan deiin Atyraýda teatr órtenip jatqany týraly habarlaǵan bolatynbyz.
«22 tamyzda saǵat 14.30 kezinde Atyraý qalasynda «101» pýltine Mahambet Ótemisov atyndaǵy Qazaq drama teatrynan órt shyqqany týraly aqparat tústi. Naqtyraq aitqanda, ekinshi qabattaǵy elektroqalqan órtenip, tilsiz jaý ǵimarattyń shatyryna taraǵan. Shamamen órttiń sharpý aýmaǵy 1500 sharshy metrdi qurady», - dedi komitetten.
