Atyraýda jappai tártipsizdikke qatysqan kúdiktiden atys qarýy tárkilendi, dep habarlaidy QazAqparat.
Atyraý oblysynyń komendanty – oblystyq politsiia departamentiniń bastyǵy Qamza Úmbetqalievtiń aitýynsha, óńirde antiterrorlyq operatsiia jalǵasyp jatyr.
«Politsiia qyzmetkerleri oblys ortalyǵynda bolǵan jappai tártipsizdik kezinde áskeriler men politsiia qyzmetkerlerine kúsh qoldanyp, qorǵanys quraldaryn iemdengen buzaqylardy ustap jatyr. Buzaqynyń biri – buryn áseri joǵary psihotropty dárilerdi zańsyz satyp alǵany úshin jaýapqa tartylǵan 1997 jylǵy jigit. Onyń úiin tintý kezinde áskerilerdiń oq ótkizbeitin úsh brondy jileti tabyldy. Al, jappai tártipsizdikke qatysqany úshin ustalǵan 1991 jylǵy kúdiktiniń úiinen atys qarýy tárkilendi», - dep habarlady Atyraý oblysy komendatýrasynan.
Qazir ustalǵan kúdiktilerge qatysty tergeý amaldary júrgizilip jatyr. Ózge aqparat QR Qylmystyq-protsestik kodeksiniń 201-babyna sáikes jariialaýǵa jatpaidy.
