Atyraýda jalǵan vaktsina pasportyn 100 myń teńgege satqan medbikeler ustaldy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, qaladaǵy emhanada jumys isteitin eki medbike patsientterdiń vaktsina alǵany týraly jalǵan aqparat engizip kelgen.
«Politsiia departamenti men oblystyq prokýratýra qyzmetkerleriniń birlesken jedel is-sharasy kezinde 1989 jáne 1993 jyly týǵan eki medbike ustaldy. Olar vaktsinanyń ár komponentine 50 myń teńge, eki komponent úshin 100 myń teńgeni banktik esepshotyna aýdartyp otyrǵan. Aqshasyn aýdarǵan turǵyndar emhanaǵa kelip, vaktsina almai-aq vaktsina pasportyn alyp júrgen. Medbikelerdiń biri biri jalǵan aqparatty júiege engizgeni, ekinshi medbikeniń vaktsina suiyqtyǵyn quityrqy áreketpen patsientke ekpegeni anyqtaldy» - dep habarlady departamenttiń baspasóz qyzmeti.
Qazir eki kúdikti medbikege qatysty QR Qylmystyq Kodeksiniń 206-babynyń 1-bóligimen sotqa deiingi tergeý bastaldy.
