Foto: Jetisý oblysy politsiiasy
Atyraýda tiisti organnyń arnaiy ruqsatyn almai, zańsyz jumys istep júrgen 50 sheteldik ustaldy.
Atyraý oblystyq Politsiia departamenti baspasóz qyzmetiniń málimetinshe, sheteldikter kóshi-qon qyzmeti men Ulttyq qaýipsizdik komiteti jergilikti departamenti qyzmetkerleriniń birlesken reidi kezinde anyqtalyp otyr.
«Atyraý qalasynyń aýmaǵynda ornalasqan óndiristik nysandarǵa tekserý júrgizildi. Tekserý kezinde arnaiy ruqsaty bolmasa da zańsyz jumys istep júrgen shet elderdiń 50 azamaty anyqtaldy. Onyń ishnde Tájikstan Respýblikasynyń 38, Ózbekstan Respýblikasynyń 12 azamaty bar. Sheteldikterge qatysty QR Ákimshilik quqyq buzýshylyq týraly kodeksiniń 517-babynyń 5-tarmaǵymen (Sheteldiktiń nemese azamattyǵy joq adamnyń júzege asyratyn qyzmeti vizada kórsetilgen maqsattarǵa sáikes bolmaýymen kóringen, QR-nyń halyqtyń kóshi-qony salasyndaǵy zańnamasyn buzýy nemese jergilikti atqarýshy organ óz betinshe jumysqa ornalasýǵa ruqsatty alý eńbek qyzmetin júzege asyrýy) ákimshilik hattamalar toltyryldy», - dep habarlady departamenttiń baspasóz qyzmeti.
Jinaqtalǵan is qujattary sotqa joldandy.
Eske sala ketelik, budan buryn Almatyda 4 myńǵa jýyq shetel azamaty kóshi-qon zańnamasyn buzǵany habarlanǵan bolatyn.
