Búgin tańerteńnen beri Atyraýda shańdy daýyl soǵyp tur, dep habarlaidy QazAqparat.
Atyraý oblysynda ókpek jel uiytqi soǵyp tur. Keshe atyraýlyq turǵyndarǵa 112-den: «4 qarashada Atyraý oblysynda jeldiń uiytqýy 15-20 metr/sekýndqa deiin jetedi», degen eskertý kelgen edi.
Búgin uiytqi soqqan ókpek jeldiń ekpini shańdy daýyldy kóterdi. Dál qazir Atyraý qalasynda shańdy daýyl basyp tur.
«Oblys aýmaǵynda jeldiń kúsheiýi, tuman jáne jaýyn-shashyn kútilip otyr. Kúzgi-qysqy kezeńniń bastalýymen aýa-raiynyń, iaǵni meteorologiialyq jaǵdaidyń ózgerýi kólik júrgizýge áldeqaida qaýipti bolady. Jolda óte muqiiat bolýdy eskertemiz. Jyldamdyq rejimin, sondai-aq avtomobilder arasyndaǵy qaýipsiz araqashyqtyqty saqtaǵan jón. Bul joldaǵy kútpegen apattyń aldyn alý úshin mańyzdy» -dep júrgizýshilerge eskertý jasady oblystyq politsiia departamenti.
