Atyraýda kúshikti qapqa salyp, Jaiyq ózenine laqtyryp jibergen. Oqiǵa tergelip jatyr, dep habarlaidy QazAqparat.
Instagram áleýmettik jelisine júktelgen videoda qapqa salynǵan kúshiktiń qyńsylaǵan daýysy estiledi.
Jergilikti kinolog Mamýchar Iashýev qapqa salynǵan kúshikti Jaiyq ózeniniń jaǵalaýynan taýyp alǵan. Oǵan bul týraly jaǵalaýdan ótip bara jatqan áiel habar bergen.
Jaiyq jaǵalaýyna barǵan kinolog kúshikti sýdan alyp shyqqan. Qazir kúshikke ekpe salynǵan.
«Atalǵan derekke qatysty QR Qylmystyq kodeksiniń 316-babymen (Janýarlarǵa qatygezdik jasaý) deregimen tergeý júrip jatyr. Tergeý nátijesi qosymsha habarlanady», - dep málim etti oblystyq Politsiia departamentiniń baspasóz qyzmetinen.
