Atyraýda koronavirýs infektsiiasyn juqtyrǵandar rezervtegi jataqhanaǵa ornalastyrylyp jatyr, dep habarlaidy "Ult aqparat".
Atyraý oblystyq densaýlyq saqtaý basqarmasynyń baspasóz qyzmetinen málim etkendei, keshe koronavirýs infektsiiasyna shaldyqqan 420 naýqas anyqtalǵan.
Onyń ishinde Atyraý qalasynda qaýipti virýsty juqtyrýdyń 268 jaǵdaiy rastalǵan. Teńiz ken ornynda 39, Jylyoi aýdanynda 50, Qyzylqoǵada – 17, Qurmanǵazyda – 14, Inderde – 12, Isataida – 9, Maqatta – 6, Mahambet aýdanynda 5 adamnan koronavirýs belgisi tabylǵan.
«Qazir 3 443 adam úi jaǵdaiynda emdelýge oqshaýlandy. Aýdandardaǵy infektsiialyq statsionarlarda 361, Teńiz ken ornyndaǵy statsionarda 218, al, №2 oblystyq aýrýhanada 205, modýldik aýrýhanada 196, temir jol aýrýhanasynda 109, kardologiialyq ortalyqta 103, ftiziopýlmonologiia ortalyǵynda 98 naýqas emdelip jatyr. Sondai-aq, rezervtegi jataqhanaǵa 17 patsient ornalastyryldy», - dep habarlady basqarmanyń baspasóz qyzmeti.
