Politsiia málimetinshe, 20 qańtarda Atyraýda belgisiz eki adam páterge basyp kirgen. Olar úi iesin uryp-soǵyp, pyshaqpen qorqytyp, baǵaly zattar men aqshasyn alyp ketken. Quqyq qorǵaý organdarynyń qyzmetkerleri qaraqshylardy ustady, - dep habarlaidy Tengrinews.kz tilshisi Rolisia saityna silteme jasap.
Jábirlenýshiniń aitýynsha, saǵat 21.40-ta belgisiz eki er adam páterge basyp kirip, uryp-soǵyp, pyshaqpen jáne qarýǵa uqsas zatpen qorqytyp, eki uialy telefon, smart-saǵat, altyn syrǵa, 40 myń teńge alyp ketken. Sondai-aq, mobildi qosymsha arqyly basqa shotqa 1 million 576 myń teńge aýdarýǵa májbúr etken.
"Politsiia qyzmetkerleri 26 jáne 24 jastaǵy eki kúdiktini ustady. Olardan eki uialy telefon, altyn syrǵa, smart-saǵat, pnevmatikalyq qarý jáne 1 million 14 myń teńge kólemindegi aqsha tárkilendi. Bul derekke qatysty Qylmystyq kodekstiń 192-baby 3-bóligi "Qaraqshylyq" boiynsha qylmystyq is qozǵaldy. Kúdiktiler ýaqytsha ustaý izoliatoryna qamaldy", - dep habarlady vedomstvo ókili.
