Sýret: "Astana" arnasy
Atyraýda perzenthana palatasynda órip júrgen tyshqandar júkti kelinshekterdi shoshytty. Videony bosanýǵa deiingi bólimshede jatqan áielderdiń biri jariialaǵan, dep habarlaidy "Ult aqparat" "Astana" telearnasyna silteme jasap.
Onda kemirgishterdiń kelinshekter jatqan palatada emin-erkin júrgenin kórýge bolady. "Aq halattylarǵa eskertkenimizben, eshqandai shara qoldanbady", - deidi avtor.
Alaida, dárigerler bul jaittan habardar bolyp shyqty.
Perinataldyq ortalyq negizgi ǵimaratynyń kúrdeli jóndeýine bailanysty modýldi aýrýhanaǵa ýaqytsha kóshirilgen. Al modýldi aýrýhana qaladan alys, jazyq dalada ornalasqandyqtan, onyń ústine qurastyrylǵan ǵimarat bolǵandyqtan, irgetasy joq.
Dárigerlerdiń aitýynsha, tyshqan buǵan deiin ákimshilik jáne sharýashylyq bólimderinen de kóringen. "Al júkti áielder jatqan bólimshelerde bolmady", - deidi olar. Aq halattylar zalalsyzdandyrý jumystary da ýaqytymen júrgizilgenin aityp otyr.
"Ákimshilik, sharýashylyq bólikten kórdik. Bólimshede biz únemi josparly derotizatsiialyq jumys júrgizemiz jáne buǵan deiin bolǵan joq edi. Antroponozdyq infektsiianyń oshaǵy dep aitylady, biraq bul dala tyshqany ondai qaýip týdyrmaidy. Iá, árine bolmaǵany jón. Endi derotizatsiialyq jumysty jiiletimiz, aiyna bir ret bolsa, endi osy aidan bastap eki ret ótkizemiz", - deidi oblystyq perinataldyq ortalyqtyń dáriger-epidemiology Elmira Erǵalieva.
