Qazirgi ýaqytta óńirdegi meditsinalyq mekemeler 25 ottegi kontsentratorymen qamtamasyz etilgen, búgin taǵy 5 qurylǵy keledi, dep habarlaidy Atyraý oblystyq kommýnikatsiialar qyzmeti.
Bul týraly oblystyq densaýlyq saqtaý basqarmasynyń basshysy Nurlybek Qabdyqaparov málimdedi.
- Búginde provizorlyq jáne barlyq statsionarlarǵa ottegi kontsentratorlary qoiylýda. Bul arqyly kislorodtyq ballondar sany azaiatyn bolady. Osynyń aiasynda jańa ǵimrataqa ottegi júiesin tartyp jatyrmyz. Atalǵan jumys tamyz aiynyń basynda bitýi kerek, - dep túsindirdi oblystyq densaýlyq saqtaý basqarmasynyń basshysy Nurlybek Qabdyqaparov.
Atyraý oblystyq aýrýhanasynyń bas dárigeri Erbol Imanǵalievtiń aitýynsha, ottegi kontsentratorlaryn qoldaný dárigerlerdiń jumysyn aitarlyqtai jeńildetedi.
Óitkeni, budan buryn qoldanysta bolǵan kislorodty ballondar yńǵaisyz bolatyn. Ballondar aýyr jáne ottegini únemi toltyryp turý qajet.
- Qazirgi ýaqytta biz kólemi 5 litr ottegi kontsentratorlaryn qoldanyp jatyrmyz. Sáikesinshe, ottegi ballondarynyń sanyn azaitamyz, - dedi Erbol Imanǵaliev.
