Kórisý meiramyn atap ótý aiasynda oblys ortalyǵynyń turǵyndary men qonaqtaryna sharalar legi uiymdastyrylady, dep habarlaidy Atyraý oblysynyń Óńirlik kommýnikatsiialar qyzmeti.
12 naýryz kúni saǵat 10-da oblystyq halyq shyǵarmashylyǵy ortalyǵynda «Oidaǵy el qyrdaǵy elmen amandasyp» taqyrybynda halyqaralyq aitys bastalady. Qazylar alqasynyń quramynda Asanáli Áshimov bastaǵan óner qairatkerleri bar.
13 naýryz kúni saǵat 15.00-de jaqsy tilek bildirýdiń ulttyq dástúri - bata berýden respýblikalyq baiqaý ótedi. Shara Qurmanǵazy mádeniet saraiynda bolady. Baiqaýǵa 17 batagói qatysady.
14 naýryz saǵat 11-de Sultan Beibarys alańynda «Kórisý Fest» halyqaralyq festivali bastalady. Memleket basshysy Nursultan Nazarbaevtyń «Uly dalanyń jeti qyry» baǵdarlamalyq maqalasyn júzege asyrý aiasynda ótetin halyqaralyq festival aiasynda sýretshiler pleneri, oblystyq mýzei kórmesi, ulttyq sýsyndar men taǵamdar jármeńkesi ótedi. «Jastar jarysa kórisip qaýyshady» baiqaýy men teatrlandyrylǵan ádebi-mýzykalyq qoiylym da shara josparynda bar.
