Atyraý oblysynda qatty jel mektep shatyryn ushyrdy.
Oblystyq tótenshe jaǵdailar departamenti baspasóz qyzmetiniń málimetinshe, keshe, 22 shildede qatty jelden Qarabaý orta mektebiniń shatyry búlingen.
«Keshe jeldiń uiytqýy sekýndyna 20-23 metrge jetti. Qatty jeldiń saldarynan saǵat 16:39 minýt Qyzylqoǵa aýdanynyń Qarabaý aýylyndaǵy orta mekteptiń shatyry ushyp ketti. Búlingen aýmaqtyń jalpy aýdany 100 sharshy metrdi qurady» - dep habarlady departamenttiń baspasóz qyzmeti.
Belgili bolǵandai, bul mektep 1978 jyly salynǵan. Mektepke 2019 jyly kúrdeli jóndeý júrgizilgen.
Eske sala ketelik, buǵan deiin Atyraý oblysynda surapyl jel úsh mekteptiń shatyryn ushyrǵanyn habarlaǵan bolatynbyz.
