Turǵyndar sanitarlyq talaptar men áleýmettik qashyqtyqty qatań saqtap, óńirdegi epidemiologiialyq jaǵdai turaqtanǵan jaǵdaida karantindi jeńildetý máselesi qarastyrylady, dep habarlaidy Atyraý oblystyq kommýnikatsiialar qyzmeti.
Atyraý oblysynyń bas memlekettik sanitar dárigeri Sádýaqas Baiǵabylovtyń aitýynsha, qazirgi ýaqyttta shekteý sharalary, aqparattyq-túsindirý jumystary men zerthanalyq zertteýler kólemin bólýdiń nátijesinde aimaqta epidemiologiialyq jaǵdai turaqtanýda.
«Jalpy alǵanda, koronavirýs infektsiiasyn juqtyrǵandar ishinde Teńiz ken orny qyzmetkerleriniń úlesi - 40 paiyz. Sonymen birge, bizde shilde aiynyń alǵashqy jartysynda ortasha ósim 3,5-nan 5%, tipti 10% -ǵa deiin bardy. Búginde bul kórsetkish 1,5%-dan 2%-ǵa deiin tómendedi. Táýligine orta eseppen 40-160-tan bastap 190-200 jaǵdai tirkelip otyr. Eger turǵyndar shekteý sharalaryn, sondai-aq, áleýmettik qashyqtyqty saqtasa, 3 tamyzdan keiin karantin sharalaryn jeńildetý máselesi qaralady», - dedi Sádýaqas Baiǵabylov.
Aita keteiik, naýryz aiynan beri óńirde koronavirýs infektsiiasyn anyqtaý úshin 142 000 PTR-testileý jasalyp, 7 zerthana iske qosyldy. Onyń ishinde bir zerthana - memlekettik.
Ár zerthana josparly emdeýge jatqyzý, táýekel toby, sonymen birge skrining jáne ken ornynyń qyzmetkerlerine bailanysty óz deńgeiine sai PTR-testileý júrgizedi.
