Atyraý-Astrahan tasjolynda jantúrshigerlik jol apaty bolyp, úsh adam qaza tapty. Taǵy tórt adam túrli dene jaraqatyn alǵan, dep habarlaidy ult.kz.
Atyraý oblystyq Politsiia departamentiniń málimetinshe, jol-kólik oqiǵasy 26 tamyzda saǵat 05:30 shamasynda tasjoldyń 721-shaqyrymynda bolǵan.
Aldyn ala málimet boiynsha, Toyota Ipsum kóliginiń júrgizýshisi rýlge ie bola almai, jol jiegine aýdarylyp ketken. Apat saldarynan kóliktegi úsh adam oqiǵa ornynda kóz jumǵan. Taǵy tórt adam jaraqat alyp, meditsinalyq kómekke júgingen.
Qazir politsiia qyzmetkerleri jol-kólik oqiǵasynyń mán-jaiyn anyqtap, tiisti is-qujattardy jinaqtap jatyr.
Politsiia júrgizýshilerdi jolǵa shyǵar aldynda kóliktiń tehnikalyq jaǵdaiyn muqiiat tekserýge shaqyrdy. Sondai-aq jolda jyldamdyqty asyrmai, barynsha saq bolý jáne kólik basqarý kezinde uialy telefon qoldanbaý qajettigin eskertti.
Buǵan deiin Shyǵys Qazaqstan oblysynda mototsikl tizgindegen 13 jastaǵy qyzdyń qaza bolǵanyn jazǵan edik.
