Biylǵy jyldyń qańtarynda qaza tapqan Ulttyq basketbolshylar qaýymdastyǵy (UBQ) klýby «Los-Andjeles Leikerstiń» burynǵy qorǵaýshysy, Kobi Braiant «Emmi» syilyǵynyń laýreaty atandy. Bul týraly amerikalyq televidenie akademiiasy Twitter-de jazdy, dep habarlaidy "Ult aqparat".
Marapat amerikalyqqa Los-Andjelesti damytýǵa qosqan úlesi úshin berilip otyr.
Braiant 26 qańtarda jeke tikushaǵynyń apatqa ushyraýy saldarynan mert boldy. Ol 13 jasar qyzymen Djiannamen birge basketboldan jasóspirimder matchyna bara jatqan.
Borttaǵy toǵyz jolaýshynyń bári qaza tapty.
Braiant óziniń sporttyq jolynda «Los-Andjeles Leikers» klýbynda óner kórsetti. Komandamen birge Ulttyq Basketbol qaýymdastyǵynyń bes ret chempiondyq titýlyn jeńip aldy. Ol - eki dúrkin Olimpiada altynynyń iegeri.
Aita ketken jón, «Emmi» - AQSh-ta televidenie salasyndaǵy basty marapat. Ony ár jyl saiyn Amerikalyq televidenie akademiiasy tapsyrady.
