Almaty tehnologiialyq ýniversitetinde Elbasy N.Á.Nazarbaevtyń «Bolashaqqa baǵdar: rýhani jańǵyrý» jáne «Uly dalanyń jeti qyry» baǵdarlamalyq maqalalary aiasynda «JasStar» jobasy boiynsha «Jastar jylyna» arnalǵan jastardyń bos ýaqytyn tiimdi ótkizý jáne mádeni demalysty uiymdastyrý maqsatynda jyl saiynǵy dástúr boiynsha «ATU Jigit sultany – 2019» megajobasy ótti. Baiqaýdyń shymyldyǵy ýniversitettiń tárbie jumysy jónindegi prorektory Qaltai Batholdinnyń kirispe sózimen ashyldy.
Sharaǵa arnaiy qonaq retinde Abylaihan atyndaǵy shet tilderi ýniversiteti tárbie jumystary jónindegi prorektorynyń orynbasary Baýyrjan Sarjanov, Almaty qalasy aýmaqtyq kásipodaq tóraǵasynyń orynbasary Almagúl Akimova, «100 jańa esim» jobasynyń jeńimpazy, paralimpiadashy Serik Esmatov shaqyryldy. Baiqaýǵa «Eriktiler ligasynyń» tóraiymy, Almaty qalasy qoǵamdyq keńesiniń múshesi Aisulý Erniiazova, RF Plehanov ýniversiteti men ATÝ qos diplomdyq baǵdarlamasynyń 3-kýrs stýdenti Timýr Talipov, ánshi Tomiris Jangazinova, ánshi, akter Qanat Dosanov, ánshi, aktrisa Saǵynai Qýan, juldyzdy hair-stilist Balnur Qýantai jáne «ATU Jigit sultany – 2018» megajobasynyń GRAN PRI iegeri Maǵjan Qýatov tórelik etti.
Megajobany Almaty tehnologiialyq ýniversitetiniń Jastar saiasaty men mádeni buqaralyq jumys bólimi uiymdastyrdy. Sondai-aq, ýniversitettiń belsendi stýdentteri men uiym tóraǵalary da atsalysty. Atap aitsaq, RF Plehanov ýniversiteti men ATÝ qos diplomdyq baǵdarlamasynyń 3-kýrs stýdenti Timýr Talipov, tehnika ǵylymdarynyń 1-kýrs magistranty, «ATU Jigit sultany – 2018» iegeri Maǵjan Qýatov, «ATÝ arýy – 2017» baiqaýynyń jeńimpazy, «Tai-Na» sán teatrynyń jetekshisi Dinara Joldasova, injiniring jáne aqparattyq tehnologiialar fakýltetiniń Jastar isi jónindegi komitetiniń tóraǵasy Alihan Beken, taǵam óndiristeri fakýltetiniń Jastar isi jónindegi komitetiniń tóraiymy Kalbinýra Aiýpova, «Golden Tim» zamanaýi bi tobynyń jetekshisi Dinmuhammed Kýmargazin sharanyń basy-qasynda júrdi.
Qatysýshy jigitter 4 kezeń boiynsha saiysyp, ózderiniń jan-jaqty saladan habary bar ekendigin kórsetti. «ATU Jigit sultany – 2019» megajobasyna tórt fakýltet pen tehnikalyq-ekonomikalyq kolledji boiynsha qatysýshylarǵa kasting jasalyp, baiqaýdyń finaldyq kezeńine Sultan Sibat, Nurtilek Qaztaev, Birjan Kenjeev, Dosbol Sultanov, Ermuhan Aitmuhambetov, Temirlan Kairdinov, Erkebulan Myrzatai, Sanjar Saianuly Nurbol Muqan, Zańǵar Ánbiia ótti.
Saiys qorytyndysy boiynsha «ATU Jigit sultany – 2019» Temirlan Kairdinov atandy. Jeńimpazǵa bylǵarydan jasalǵan «ATU Jigit sultany» beldigi men 50 myń teńge qarjylai syilyqpen marapattaldy. Birinshi oryndy Nurtilek Qaztaev iemdense, ekinshi oryn Dosbol Sultanovtyń enshisine buiyrdy. Al «Instagram juldyzy – 2019» nominatsiiasyn Birjan Kenjeev ielendi. Sondai-aq, Ermuhan Aitmuhambetov – «Daryndy sultan», Nurtilek Qaztaev – «Bilekti sultan», Dosbol Sultanov – «Symbatty sultan», Sultan Sibat – «Tapqyr sultan», Nurbol Muqan – «Baisaldy sultan», Zańǵar Ánbiia – «Ónerpaz sultan», Birjan Kenjeev – «Jaidary sultan», Erkebulan Myrzatai – «Jigerli sultan», Sanjar Saianuly – «Jalyndy sultan», Temirlan Kairdinov – «Jaidary sultan» nominatsiialarymen marapattaldy. Barlyq saiysqa qatysýshylar baǵaly syilyqtarmen marapattaldy.
Saiys sońynda ýniversitet basshylyǵy saiysqa demeýshilik etken barlyq kompaniialarǵa alǵys bildirdi. Dástúrli «ATU Jigit sultany – 2018» megajobasyna kelgen kórermender jaqsy kóńil-kúimen tarqasty.
