Jambyl oblysyndaǵy Atlah qalasynyń ornyna barlaý-qazba jumystary júrgiziledi. Aimaq basshysy Asqar Myrzahmetov jaýapty tulǵalarǵa naqty tapsyrma berdi, - dep habarlaidy "Ult aqparat".
Jambyl oblysynyń ákimi Asqar Myrzahmetov Jambyl aýdanyndaǵy jumys sapary barysynda Atlah-Talas shaiqasy ótken orynǵa arnaiy baryp, tarihi shaiqastyń mańyzdylyǵyn tilge tiek etti. Ony nasihattaý men tanytý jumystaryna durys kóńil bólip, osy baǵytta naqty sharalardy qolǵa alý kerektigin basa aitty. Sondai-aq, óńir basshysy jaýapty tulǵalarǵa qalanyń ornynda qazba jumystaryn júrgizý úshin aldymen keshendi arheologiialyq ǵylymi-zertteý men barlaý-qazba sharalaryn uiymdastyrýdy tapsyrdy.
Jambyl oblystyq tarihi-mádeni eskertkishterdi qorǵaý jáne qalpyna keltirý direktsiiasy direktorynyń orynbasary Saýran Qalievtyń aitýynsha, bul jumystarǵa jergilikti tarihshy-arheolog ǵalymdardy tartý arqyly júzege asyrý josparlanyp otyrǵanyn jetkizdi. Oǵan aimaq basshysynyń tapsyrmasyna orai keler jyly oblystyq biýdjetten qarjy qarastyrý kózdelýde.
Aita keteiik, Atlah shaiqasy bizdiń jyl sanaýymyzdyń 751 jyly Tarazdan 25 shaqyrym jerde oryn tepken Atlah qalashyǵynyń mańynda ótti. Shaiqas qytai jáne arab áskerleriniń arasynda bolǵan. Belgili tarihshy-ǵalym Mahmýd Qashqaridyń málimetinde: «Atlah – Tarazdyń mańyndaǵy qalanyń aty». Al, A.Bernshtamnyń jazbalarynda: «Atlahtyń qaldyǵy – Jýantóbe. Qazir ol qulaǵan. Qamal men qalanyń qaldyǵynan tóbege ainalyp, 280-140 metr jerdi alyp jatyr.Tóńireginde qorǵany, onyń syrtynda egin alqaby bolǵan» - degen derek kezdesedi.
Tarihshylar Qytai áskeri Arabtardan osy Talas boiyndaǵy shaiqasta tas-talqan bolyp jeńilgennen keiin, ekinshi ret túrkiler eline bettemegenin aitady. Qytai áskeri osy jeńilisten soń óziniń Orta Aziiaǵa júrgizgen ekspantsiialyq saiasatynan bas tartqan kórinedi. Iaǵni, Atlah-Talas shaiqasy búkil Ortalyq Aziianyń tarihi, mádeni jáne saiasi kartasyn óte qatty ózgeristerge ushyratýǵa sebep bolǵan tarihi oqiǵa.
