Almaty oblysy Jambyl aýdanynda «Atek Agro» JShS 54 ga jerge tamshylatyp sýaratyn alma baǵyn ósirip otyr. Biylǵy kóktemde almanyń «Pink ledi», «Fýdji», «Grenni smit», «Gala», «Golden delishes» siiaqty tanymal sorttary otyrǵyzylǵan. Bul týraly oblys ákimi Amandyq Batalovtyń Jambyl aýdanyna jasaǵan sapary barysynda belgili boldy. Baqtyń kútip-baptalý jaǵdaiymen QR Aýyl sharýashylyǵy ministri Saparhan Omarov ta tanysty.
Seriktestik basshysy Janat Altynǵadysulynyń aitýynsha, jobanyń júzege asyrylyp jatqanyna úshinshi jyl bolǵan shaqta tamshylatyp sýarý ádisin qoldanýdyń arqasynda bir gektardan 30-dan 45 tonnaǵa deiin alma alý josparlanyp otyr. Tamshylatyp sýarý qural-jabdyqtary Izrailden, jas kóshetter Túrkiiadan ákelingen. Qazirgi kezde túrkiialyq mamandar qajetti agrotehnikalyq sharalardy júrgizýde. Alqap qorshalyp jatyr, tamshylatyp sýarýǵa arnalǵan sý bógetiniń shuńqyry qazylyp qoiǵan.
Iske asyrylyp jatqan teńdessiz joba úsh kezeńnen turady. Birinshisi – ónimdi ósirý, ekinshisi – daiyn ónimdi uzaq merzimge saqtaý, úshinshisi, árine – óńdeý.
Amandyq Batalov óz sózinde Elbasynyń baq ósirýdi damytý týraly tapsyrmasyna sáikes zamanaýi agrotehnologiiany qoldana otyryp baq sharýashylyǵyn damytý basym baǵytqa ainalǵanyn atap ótti. Bul rette óz ónimderin saqtaý men óńdeý isin qatar damytýdyń da myńyzy zor.
J. Altynǵadysuly almalarynyń birazyn jergilikti naryqqa shyǵarýdy, al kóp bóligin óńdeýdi josparlap otyrǵanyn aitty.
Atqarylǵan jumystardy oń baǵalaǵan Aýyl sharýashylyǵy ministri S.Omarov jergilikti mamandardy baq sharýashylyǵynda zamaýani tehnologiialardy qoldana bilýge úirete otyryp tartý qajettigin de eske saldy.
Jalpy jobanyń quny - 850 mln. teńge. Bir bóligin «Agrarlyq nesielik korporatsiia» AQ qarjylandyrsa, taǵy bir bóligi – kásipkerdiń jeke qarjysy. Jobany júzege asyrý arqyly aýdanda 75 jańa jumys orny quryldy.
Qazirgi kezde Almaty oblysyndaǵy jalpy baqtardyń kólemi - 23 myń gektar. Ótken jyldyń qorytyndysy boiynsha jemis-jidek pen júzimniń jalpy óniminiń kólemi 126 myń tonnaǵa jetken. Sonyń ishinde alma – 85 myń tonna. Qajettilik 27,2 myń tonna bolǵanda ishki naryqtaǵy otandyq almanyń úlesi 95% bolyp otyr, sondyqtan daiyn ónimdi óńdeý máselesi oblys basshylyǵynyń erekshe baqylaýyna alynǵan.
Almaty oblysy ákiminiń baspasóz qyzmeti
