Operator Galina Hatchins Santa-Fe qalasynyń (Niý-Meksiko shtaty) mańyndaǵy «Rast» vesterniniń túsiriliminde qaitys boldy, ony prodiýser jáne taspadaǵy basty róldi somdaýshy - tanymal Gollivýd akteri Alek Boldýin kezdeisoq atyp óltirgen. Bul týraly QazAqparat VVS-ge silteme jasap habarlaidy.
Onyń atqanynan filmniń rejisseri Djoel Soýs ta zardap shekti, onyń jaǵdaiy aýyr, dep habarlaidy BBC agenttigi.
Filmniń túsirilimin júrgizetin kompaniianyń ókili The Hollywood Reporter basylymyna bul oqiǵa Boldýin bos oq atqan sahnany túsirý kezinde bolǵanyn aitty. Qarý túsirilim alańynda rekvizit retinde paidalanylǵan.
Jýrnalist Tessa Mentýs óziniń Twitter-inde túsirilim kezindegi fotosýretterdi jariialady.
Galina Hatchins 42 jasta edi, ol «Maks Fist» («Archenemy») jáne «Dorogýsha» («Darling») siiaqty filmdermen jumys istedi.
The Hollywood Reporter jazǵandai, Boldýin áigili qylmysker Harland Rastanyń «Rast» filminde oinaidy. Siýjetke sáikes, onyń nemeresi kezdeisoq kisi óltirdi dep aiyptalady. Sodan keiin Rast ony túrmeden bosatý úshin Kanzasqa barady. Vestern áreketi XIX ǵasyrdaǵy ýaqytty qamtidy.
Beisenbide 63 jastaǵy Boldýin «Bul – óte qiyn jaǵdai» degen jazbamen Instagram-da óziniń sýretin saldy.
