Jańa oqý jyly qarsańynda QR Prezidenti janyndaǵy Qazaqstan strategiialyq zertteýler institýty mektep oqýshylarynyń ata-analary, qamqorshylarymen telefon arqyly saýalnama júrgizdi, dep habarlaidy "Ult aqparat".
Saýalnamaǵa tamyzdyń 16-sy men 22-si aralyǵynda elimizdiń barlyq aimaqtarynan (14 oblys pen respýblikalyq mańyzy bar qalalar Nur-Sultan, Almaty jáne Shymkent) 1 200 respondent qatysty.
Saýalnamanyń negizgi nátijeleri:
Ata-analardyń kópshiligi oqý protsesin dástúrli formatta uiymdastyrýdy jón kóredi, oflain formatqa qaityp kóshý úshin ata-analar bilim ordasynda sanitarlyq talaptardy tolyqqandy saqtaýǵa daiyn.
Ata-analardyń 2/3 bóliginen astamy mektep ǵimaratyna Ashyq qosymshasy arqyly kirý talabyn qoldaidy.
Ekpeniń túrin tańdaýdy usynǵan jaǵdaida saýalnamaǵa jaýap bergen ata-analardyń 19,6% óz balasyna ekpe saldyrýǵa daiyn.
Balalarǵa ekpe salýdan bas tartýdyń negizgi sebepteriniń biri - balalarda sátti synaqtan ótken ekpeniń bolmaýy.
