Elimizde Psihologiialyq-pedagogikalyq júie monitoringiniń biryńǵai baǵdarlamasy ázirlenýde. Bul jaiynda Senat depýtattarynyń saýalyna QR Bilim jáne ǵylym vitse-ministri Bibigúl Asylovanyń jaýabynda aitylǵan, dep habarlaidy QazAqparat.
«Ministrlik Y. Altynsarin atyndaǵy Ulttyq bilim akademiiasynyń bazasynda Psihologiia, tárbieleý jáne tulǵany damytý ortalyǵyn qurdy. Ortalyqtyń qyzmeti óńirlerdiń psihologiialyq qyzmetterine jetekshilik etetin barlyq oqý-ádistemelik ortalyqtardy úilestirýge, sondai-aq bilim berý uiymdarynyń pedagog-psihologterin ádistemelik qamtamasyz etýge baǵyttalǵan», - delingen vitse-ministr jaýabynda.
Onyń atap ótýinshe, qazirgi ýaqytta ministrlik atalǵan ortalyqpen birlesip, óńirlik oqý-ádistemelik ortalyqtar men psihologiialyq qyzmetterdiń jumysyn jetildirý boiynsha jumys júrgizip jatyr.
«Sondai-aq óńirlerde is júzinde iske asyrý úshin Psihologiialyq-pedagogikalyq júieniń monitoringi boiynsha biryńǵai baǵdarlama ázirlenýde», - dedi B.Asylova.
