Óńirlik kommýnikatsiialar qyzmetinde ótken brifingte Astrahan aýdanynyń ákimi Nurlan Seiilov Elbasynyń «Rýhani jańǵyrý» baǵdarlamasynyń basty maqsaty rýhani jáne mádeni qundylyqtardy saqtaý, arttyrý, álemdik úzdik tájiribelerdi paidalaný arqyly jańa bilimdi igerý ekenin aitty.
– «Rýhani jańǵyrý» baǵdarlamasyn, «Uly dalanyń jeti qyry» maqalasyn júzege asyrý aiasynda aýdanda ár túrli formatty is-sharalardy qamtityn jumys jospary bekitildi. Aýdandyq jumys toby quryldy. Aǵymdaǵy jyldyń basynan 95-ten astam iri qoǵamdyq-saiasi, mádeni-kópshilik jáne túsindirý is-sharalary ótkizildi. «Rýhani jańǵyrý» jobalyq keńsesi ashyldy,–degen aýdan ákimi «Mádeni bilim» baǵyty boiynsha aýdannyń bilim berý mekemelerinde 70-ten astam is-sharalar júzege asyrylǵanyn aitty.
Aýdan mektepterinde «Aialy alaqan» ata-analar klýby qurylyp, óz jumysyn júrgizýde, olardyń jumysy otbasylyq qundylyqtardy, dástúrlerdi saqtaýǵa, otbasyna degen jaýapkershilikti qalyptastyrýǵa, otbasy tabynýyna baǵyttalǵan. Sondai-aq, mektepterde «Býkkrossing nemese mektep kitaby» jobasy jumys isteidi. Oqýshylarǵa mamandyq tańdaýǵa kómek kórsetý, ári qarai bilim berý baǵyty men jumysqa ornalasý múmkindigi maqsatynda kásiptik baǵdar berý kabinetteri men buryshtary ashylýda. Kásiptik baǵdar berý jumystaryn júrgizý úshin elimizdiń joǵary oqý oryndary men kolledjderiniń ókilderi shaqyrylyp, kásiporyndarda ekskýrsiialar, ár túrli aktsiialar ótkizildi.
–«Pragmatizm» baǵyty boiynsha qorshaǵan ortaǵa, kishi Otanǵa degen jaýapkershilikti tárbieleý maqsatynda «Taza aýyl», «Taza Qazaqstan» atty ekologiialyq senbilikter júieli túrde ótkizilip turady. Jyl basynan beri aýdan boiynsha 6 myń adamdy quraityn 100-den astam ekologiialyq is-sharalar ótkizildi. Salaýatty ómir saltyn qalyptastyrý úshin «Aq bidai» aýyldyq, aýdandyq spartakiadasy turaqty túrde ótkizilip turady. Bizdiń jas sportshylar halyqaralyq, respýblikalyq jáne oblystyq jarystar men týrnirlerdiń belsendi qatysýshylary men jeńimpazdary bolyp tabylady,–dedi Nurlan Seiilov. Odan ári ol «Básekege qabilettilik» baǵyty boiynsha 250 jańa jumys orny ashylǵanyn, ortasha ailyq eńbekaqy 119 myń teńgeni quraitynyn aityp berdi.
– Jyl basynan beri ónimdi jumyspen qamtý jáne jappai kásipkerlik baǵdarlamasy sheńberinde 9 million teńgeniń 28 granty alyndy. «Qazaqstannyń revoliýtsiialyq damýy emes, evoliýtsiialyq damýy» baǵyty boiynsha Astrahan aýdanynda 6 úkimettik emes uiym belsendi jumys isteidi, olar ishki saiasi turaqtylyq pen áleýmettik optimizmdi nyǵaitýǵa eleýli úles qosady. «Ulttyq biregeilik» kishi baǵdarlamasy aiasynda jastar úshin kóptegen qyzyqty keń formatty is-sharalar ótkizildi. «Aýyl – el besigi» arnaiy jobasy aiasynda respýblikalyq biýdjetten qarjy bólinip, igerilýde. «Atameken» atty kishi baǵdarlama aiasynda aýdanda «Jomart júrek» jobasy júzege asyrylýda, – degen aýdan ákimi «Týǵan jer» jáne «Qazaqstannyń sakraldy geografiiasy», «Jahandyq álemdegi qazirgi qazaqstandyq mádeniet», «Latyn álipbiine kóshý» arnaiy jobalary jóninde aitty.
