Ol 9-synyp oqýshysynyń ata-anasymen kezdesý uiymdastyryp, janjaldy beibit jolmen sheshýge sendirmek bolǵanyn, biraq mektep basshylyǵy qarsy bolǵanyn túsindirdi.
"Ol meniń balamnyń synyp jetekshisi boldy. Toqsannyń sońy, toǵyzynshy synyp oqýshylary synyp jetekshisinsiz qaldyq. Men ne bolǵanyn naqty bilmeimin, biraq bizdi de túsiný kerek. Ol jaqsy muǵalim. Keshirim surai alady, aiyppul tólei alady. Biraq synypty synyp jetekshisinen aiyrdy. Ol jaqsy atmosfera qurdy. Bizdiń synypta barlyǵy onyń jumystan bosatylýyna qarsy", - dep qosty oqýshylardyń biriniń anasy Janel Seksenbaeva.
Jýrnalister mektep direktoryna habarlasa almady.
"21 qazandaǵy buiryqqa sáikes, №3 mektep-gimnaziiasynyń synyp jetekshisi Okrýjko Snejana Nikolaevnamen eńbek sharty buzyldy. Muǵalimge qatysty qyzmettik tergeý júrgizildi. Ata-analardyń ótinishin pedagogikalyq etika keńesi qarady", - dep túsindirdi Nur-Sultan qalalyq bilim basqarmasy.
Snejana Okrýjkonyń aitýynsha, kásipodaq ta, mektep zańgeri de ony jaqtamaǵan.
"Men sabaqta ázildesip, balany oqýlyqpen qaǵyp jiberdim. Biraq aramyzda janjal bolǵan joq, olar kúldi, bári jaqsy siiaqty boldy. Sodan keiin ata-anasy aiyptap keldi. Men, árine, keshirim suradym. Men áli de sabaqqa kelip, balalardan keshirim suraýǵa daiynmyn. Sebebi mende eshqandai jaman oi bolǵan joq. Men qateleskenimmen kelisemin. Ata-analar óz synybynda sabaq bergenimdi qalamaityndaryn aitty. Árine, kelistim.
Biraq direktor maǵan telefon soǵyp, "Pedagogikalyq etikany buzý" baby boiynsha jumystan bosatylǵanymdy jetkizdi", - dep bólisti ustaz.
Onyń aitýynsha, jumystan bosatý týraly sheshimdi direktor qabyldaǵan.
Keshke kóptegen qońyraýdan keiin Snejana Okrýjko shákirtteri men olardyń ata-analary ony jaqtaǵanyn bildi.
Endi muǵalim oqiǵadan keiin eńbek kitapshasyn alýǵa alǵash ret mektepke kelýdi josparlap otyr. Onyń aitýynsha, ol buryn mektep direktorymen janjaldaspaǵan.
