Elordada Uly dala dańǵylyn sý basty, - dep habarlaidy «Ult aqparat» TJM-ǵa silteme jasap.
Astanadaǵy poligonda jinalǵan qar erip, Uly dańǵylyn sý basty. Búginde onda TJD jáne jergilikti atqarýshy organnyń kúshi jumys istep jatyr.
Sondai-aq sý basqan jerde 110 órt-sorǵy stantsiiasy jáne 7 motopompa jumys istep jatyr. Erigen sýdy burý jumysy júrgizilip jatyr.
Astana qalasynda qardyń qarqyndy erýine bailanysty Uly Dala dańǵylyndaǵy qar shyǵarýǵa arnalǵan poligonda jol tósemine erigen sýdyń túsýi jáne tógilýi oryn alýda.
Atalǵan orynǵa TJD jáne jergilikti atqarýshy organdardyń kúshteri jumyldyryldy.
Aita keteiik, búginde sý basqan óńirlerden 118 myń 116 adam, onyń ishinde 44 241 bala qutqaryldy.
113 852 bas mal qaýipsiz jerge aidaldy. 19 656 adam úilerine oraldy.
Sondai-aq evakýatsiialaý pýnktterinde 8850 adam, onyń ishinde 3948 bala bar.
Sonymen qatar 4 274 turǵyn úi men 2 719 aýladan sý buryldy.
Qazirgi tańda 10,3 mln m3 erigen qar sýy sorylyp, 3,3 mln qapshyq pen 1,4 mln tonna inertti material tóseldi.
