Foto: Astana ákimdigi
Astanada 9 mamyrda LRT qurylys alańynda júk kótergish kran qulady, dep habarlaidy «Ult aqparat».
Oqiǵa Kerei Jánibek handar men Qabanbai batyr kósheleriniń qiylysynda "Vremena goda" turǵyn úi kesheniniń mańynda bolǵan.
Tótenshe jaǵdailar ministrliginiń ónerkásiptik qaýipsizdik komiteti oqiǵa saldarynan zardap shekkender joq dep habarlady.
"9 mamyr kúni saǵat 11:36-da Astana qalasy, Esil aýdany, Kerei Jánibek handar men Qabanbai batyr kósheleriniń qiylysynda ornalasqan "LRT Construction" qurylys alańynda ZOOMLION avtokranynyń qulaǵany týraly aqparat kelip tústi.
ZOOMLION júk kótergish krany China Railway Asia-Europe Construction Investment kompaniiasyna tiesili. Apattyń aldyn ala sebebi – shamadan tys júkteme”, – delingen habarlamada.
Málimdeýinshe, avtokran tirkelmegen jáne jumysqa ruqsat almaǵan. Oqiǵanyń mán-jaiyn anyqtaý úshin komissiia qurylyp jatyr.
